ايطاليا هي أفضل وجهة سياحية في أوروبا

ارجو منكم التعليق اذا كان مثل هذا العمل جيد او لا حتى اقدم مايليق بكم

لو قلت لك ان ايطاليا افضل وجهه سياحيه في اوروبا , من حقك تقول لا واني ما افهم ولا اعرف شي !!

طيب تعال معي ياصديقي وراح اعطيك كل التفاصيل .

ابقا معي للأخير حتى تصلك المعلومه في كل تفاصيلها وانت احكم بينفسك

يالله خلنا نبدا ونشوف , من الطبيعي ان العرب يقصدون اوروبا في الصيف يبحثون عن البراد والجو البارد ومن ابرد دول اوروبا هي الدول الاسكندنافيه لكن قله قليله الي يقصدها بسبب غلاء المعيشه والسكن والاماكن السياحيه

فا يختارون دول اوروبا الوسطا والاغلب والاكثر يتجهون الى النمسا و سويسرا ولكن ايضن هذي الدولتين ليست برخيصه بسبب العرض والطلب , السياح كثير والسكن قليل نوعن ما , وترتفع الاسعار , والذكي في ربعنا يسكن بعيد عن المدن السياحيه عشان يشوف له سكن ارخص بقليل

هذا هو ملخص الدول الاكثر زياره وبروده والاغلا تكلفه في الصيف ( الصيف فقط ) .

هل يحد هذي الدول بح , طبعا لا وهناك ناس يقصدون دول على شان البحر ولو قلت عطني مثال يا رديني العجمي راح اقولك اسبانيا واليونان

طيب شنو وضع الاكل في هذي الدول , الاكل في المطاعم غالي جدا ومكلف , وفوق هذا كله عادي جدا ولا يستاهل هذي التكلفه للأمانه , قد تختلف معي ولكن هذا هو الصحيح , الافضل لك ان تطبخ وتاكل في بيتك او شقتك

طيب وش وضع هذي الدول في الشتاء ؟؟ اذا كان عندي ايجازه من عملي وحاب ازورها ؟؟ اكيد ثلوج والحركه قليله ولا يقصدها الا المتزلجين على الثلج ,

انا اتفق ان الثلج حلو لكن صدقيني لن تجلس اكثر من 4 ليالي بسبت البرد والروتين المحدود جدا جدا .

طيب شنو الحل او شنو الي تبي توصله يا رديني العجمي , حاضر الان راح اتكلم لك عن ايطاليا وانت قارن واحكم بنفسك

ابدا بمعك مثل بدايتي في الدول الي ذكرتها قبل شوي

ايطاليا في الصيف : الشمال الايطالي بارد جدا في الصيف والخيارات كثير فيه ومتنوعه والاسعار ارخص بكثير من الدول الي سبق وذكرتها

السكن في ايطاليا رخيص , الاكل رخيص , التعامل راقي جدا وخدومين الي ابعد حد , المشتريات بجميع انواعها ارخص من دول الي سبق وذكرتها , الاكل اللذ واطيب مليون مره من باقي الدول , ولد يقول ناكل بيتزا ولا باستا لا ياصديقي كل شي تاكل بيعجبك جرب وراح تذكر كلامي

طيب وفي الشتاء , راح تشوف الثلج وراح تشوف الشمس يعني تطلع شمال اتزلج تنزل تحت اتشمس لأن ايطاليا جايه في الطول شمال ايطاليا ثلج وجنوبها بحر ورحلات كروز وحياه طبيعيه

واما بخصوص الاسعار ف ايطاليا بشكل عام ارخص من سويسرا والنمسا وغيرها

حتى اسعار الطيران لها ارخص من غيرها

ولهذا السبب انا اقولك ان ايطالي جميل , واذا ما زرتها من قبل انصحك وبشده الي زيارتها في الصيف او في الشتاء

وتأكد ياصديقي اني اقدم نصيحه فقط وأقدم تجاربي الشخصي واتمنى ان تنفعكم

ياصديق اذا عجبك ماقدمته او حتى لم يعجبك اتمنى منك دعمي في اللايك والاشتراك حتى تساهم في نجاحي الي الافضل

وفي الختام اذا كان لديك اي سوال او استفسار علق فيه وتأكد انه راح ارد عليك في اسرع وقت ممكن

انا اخوكم رديني العجمي واتمنى لكم رحلات سعيده وموفقه ,